Меню сайта
Категории раздела
Мои статьи [5]
Наш опрос
Сколько вам лет?
Всего ответов: 17
Статистика

Онлайн всего: 1
Гостей: 1
Пользователей: 0
Главная » Статьи » Мои статьи

Статья о лингвиаде

Улуу нуучча омук тылын үөрэтээччилэр, сэҥээрээччилэр, билээччилэр сөбүлээн түмсэр, күрэс былдьаһар түһүлгэлэрин Ɵксөкүлээх Ɵлөксөй аатынан Дьохсоҕон орто оскуолатыгар  былырыыҥҥыттан тэрийэн эрэбит. Ол курдук сэтинньи 16 күнүгэр үгэс буолбут II  Региональнай  «Лингвиада» турнир буолан ааста. 

Быйылгы турнирга бэйэбит улууспутуттан А.Е Мординов аатынан Тааттатааҕы лицей (сал. В.Ю. Неустроева, К.А. Белолюбская, С.Д. Турнина), И.П. Жегусов аатынан Тааттатаҕы гимназия (сал. А.А. Федорова, Е.И. Неустроева, Г.И. Федорова), А.И. Софронов –Алампа аатынан Ытык Күөл 1 № оскуолата (сал. К.В. Сорова, Н.В. Петрова, Т.В. Никифорова), Д.А. Петров аатынан Ытык Күөл 2 № оскуолата (сал. В.И. Эртюкова, М.Н. Большакова), Н.Д. Неустроев аатынан Уус-Таатта орто оскуолата (сал. Ж.И. Постникова, З.И. Дягилева), Н.Е Мординов-Амма Аччыгыйа аатынан Харбалаах орто оскуолата (сал. И.Р. Бястинова, М.П. Халыева),  В.И. Ленин аатынан  Уолба орто оскуолата (сал. С.И. Слепцова, С.И. Кусатова), Г.Д. Бястинов- Бэс Дьарааһын аатынан Чымнаайы орто оскуолата (сал. Э.Н. Мессеева) уонна  А.Е. Кулаковскай- Ɵксөкүлээх Ɵлөксөй аатынан Дьохсоҕон орто оскуолата (сал. С.Е. Яковлева, В.П. Власова, А.А. Старкова) кытыннылар.  Оскуолалар 5-10 кылаас аайыттан биирдии, уопсайа 6 оҕолоох хамаандалары бэлэмнээн илдьэ кэллилэр. Барыта 9 оскуолаттан 36 үөрэнээччи уонна    21  учуутал кытынна.

Турнир 3 түһүмэхтээх буолла: визитка, квест-оонньуу, Россияҕа экология сылыгар аналлаах хамаанданан тылынан кыттыы.

Түһүмэхтэри дьүүллүүр сүбэҕэ киирдилэр: Саха Республикатын үөрэҕириитин туйгуна, Дьохсоҕон оскуолатын учуутала В.Ф. Колотинская, Саха Республикатын үөрэҕириитин туйгуна, «Учитель года-2015» кыайыылааҕа, Тааттатааҕы гимназия учуутала А.А. Федорова,  РФ уопсай  үөрэхтээһинин бочуоттаах үлэһитэ, учууталлар учууталлара, «Саха Республикатын бастыҥ учууталлара» грант кыайыылааҕа, Тааттатааҕы лицей учуутала Л.С. Макарова, Саха Республикатын үөрэҕириитин туйгуна Ытык Күөл 2 № оскуолатын учуутала В.И. Эртюкова, Саха Республикатын үөрэҕириитин туйгуна, Уус-Таатта орто оскуолатын учуутала Ж.И. Постникова.

Үгэс быһыытынан, турнир аһыллыытын тыыннаах музыканан киэргэттэ Ф.С. Аргунов аатынан Тааттатааҕы оҕо искусствотын оскуолатын   баян отделениетын 7 кылааһын үөрэнээччитэ Иванов Айаал  (сал. Павлов А.И.).

Визитка этабыгар саамай элбэх баллы ылан, Тааттатаа5ы лицей хамаандата бастаата (193балл), иккис буолла Ытык Күөл 2 № оскуолатын хамааандата (192 балл), үһүс - Дьохсоҕон оскуолатын хамаандата (190 балл)  .

 Лингвистическэй квест-оонньуу быйыл саҥа сүүрээн быһыытынан, бастакытын ыытылынна. Манна кыттааччылар магистр сорудахтарын толорон, нуучча тылын грамматикатын билэллэрин таһынан, хартыынанан синквейн (кылгас хоһоон) айан, кистэлэҥ суругу ааҕан,  оонньуу түмүгэр аптаах феяны хараҥа хостон быыһаан ыллылар. Квест оонньууга кыайыылаах  – Ытык Күөл 2 № оскуолата (87,5 балл), иккис буолла- Уус-Таатта орто оскуолатын хамаандата (76 балл), үһүс - Дьохсоҕон оскуолатын хамаандата (74,5 балл)

Хамаанданан тылынан кыттыы быйыл Россияҕа Экология сылыгар ананна. Манна оҕолор айылҕа харыстабылыгар аналлаах номердарын көрдөрдүлэр. Түмүккэ Дьохсоҕон орто оскуолата  192 баллы ылан бастаата, иккис буолла- Уолба оскуолата (186 балл), үһүс – Таатта гимназията (183 балл).

Эбиэт кэнниттэн кэлбит кыттааччылар бары кылаастарынан хайдыһан араас трениннэргэ сылдьан билиилэрин хаҥаттылар. Учууталлар  төгүрүк остуол тула санаа атастастылар.

Уопсай тумуккэ 1 миэстэни ылла Ытык Күөл 2 № оскуолата (462,5 балл) уонна грамотанан, көһө сылдьар кубогынан наҕараадаланна, 2 миэстэ - Дьохсоҕон орто оскуолата (456,5 балл), 3 миэстэ - Тааттатаа5ы лицей хамаандата (434 балл) таҕыстылар. Ону таһынан, бары кыттыбыт хамаандаларга, биирдиилээн оҕолорго  номинациялар, дипломнар туттарылыннылар.

Оттон бу турнирга кыттыбыт хамаандалары бэлэмнээн, салайан илдьэ кэлбит учууталларга барыларыгар махтал суруктары туттардыбыт. Онон, чахчы да бу күн бары үөрэн-көтөн, нууччалыы тылы өрө тутан, сүргэбит көтөҕүллэн тарҕастыбыт.

Турнир чэрчитинэн кэтэхтэн оҕолорго «Золотое перо» өйтөн суруйуу уонна учууталларга нуучча тылын туһунан уруок конкурстара буоллулар.

Былырыын кэтэхтэн аҥардас Горнай уонна Уус-Алдан эрэ улуустара кыттыбыт буоллахтарына, быйыл Амма, Томпо, Хаҥалас, Горнай, Таатта улуустара кыттыбыттара, турнир кэҥээн сайдан иһэрин көрдөрөр. Аҥардас В.Г. Короленко аатынан Амма 1№ оскуолатыттан (сал. Л.Ф. Григорьева) уопсайа 16 өйтөн суруйуу конкурска кытынна. Уопсайа өйтөн суруйуу түһүмэҕэр 77 үөрэнээччи уонна  9 учуутал уруок конкурсугар кытыннылар. Кыайыылаахтар дипломнарынан, махтал суруктарынан наҕараадаланнылар, кыттааччылар бары сертификат туттулар.

Бу улахан тэрээһини ыытарбытыгар күүс көмө буолбут . Таатта улууһун  депутаттарын мунньаҕын бэрэссэдээтэлэ В.А. Охотиҥҥа, Дьохсоҕон нэһилиэгин баһылыга П.Е. Захаровка, оскуолабыт директора В.Д. Петроваҕа, ветеран учууталлар ааттарыттан бириис туруорбут В.Ф. Колотинскаяҕа, оскуолабыт Гум МХ, бары  коллегаларбытыгар дириҥ махталбытын тиэрдэбит, үлэҕитигэр ситиһиини, доруобуйаны баҕарабыт.

Инникитин бу тэрээһин, саҥаттан саҥа тыыннанан, таһыма үрдээн иһэригэр баҕарабыт.

В.П. Власова, Дьохсоҕон оскуолатын

нуучча тылын,

литературатын учуутала

Категория: Мои статьи | Добавил: JSOSH (07.12.2017) | Автор: Статья о лингвиаде
Просмотров: 15 | Рейтинг: 0.0/0
Всего комментариев: 0
Имя *:
Email *:
Код *:
Форма входа
Корзина
Ваша корзина пуста
Поиск
Друзья сайта
  • Официальный блог
  • Сообщество uCoz
  • FAQ по системе
  • Инструкции для uCoz

  • Электронный журнал
    Copyright MyCorp © 2018Создать бесплатный сайт с uCoz